កិច្ចប្រជុំទ្វេរភាគីលើកទី២ និងកិច្ចប្រជុំគណៈកម្មការបច្ចេកទេសរួមលើកទី៦ ស្តីពីកិច្ចសហប្រតិបត្តិការនិងការប្រើប្រាស់ហ្វ្រេងកង់ស៍វិទ្យុ តាមបណ្តោយព្រំដែនរួមកម្ពុជា-ថៃឡង់ដ៍ រវាងនិយ័តករទូរគមនាគមន៍កម្ពុជា (TRC) និងគណៈកម្មការសោតទស្សន៍និងទូរគមនាគមន៍ជាតិថៃឡង់ដ៍ (NBTC)

ចាប់ពីថ្ងៃទី១៩ រហូតថ្ងៃទី២១ ខែមករា ឆ្នាំ២០១៧ ឯកឧត្តម ម៉ូវ ចរិយា ប្រធាននិយ័ករទូរគមនាគមន័កម្ពុជា បានដឹកនាំកិច្ចប្រជុំទ្វេរភាគីលើកទី២ និងកិច្ចប្រជុំគណៈកម្មការបច្ចេកទេសរួមលើកទី៦ ស្តីពីកិច្ចសហប្រតិបត្តិការនិងការប្រើប្រាស់ហ្វ្រេងកង់ស៍វិទ្យុ តាមបណ្តោយព្រំដែនរួមកម្ពុជា-ថៃឡង់ដ៍ រវាងនិយ័តករទូរគមនាគមន៍កម្ពុជា (TRC) និងគណៈកម្មការសោតទស្សន៍និងទូរគមនាគមន៍ជាតិថៃឡង់ដ៍ (NBTC) នៅសណ្ឋាគារបូរីអង្គរ សៀមរាប នៃព្រះរាជាណាចក្រកម្ពុជា។ កិច្ចប្រជុំនេះ មានការចូលរួមដោយថ្នាក់ដឹកនាំ និងមន្រ្តីជំនាញរបស់ស្ថាប័នទាំងពីរ បណ្តាប្រតិបត្តិករទូរស័ព្ទចល័ត និងសោតទស្សន៍នៃប្រទេសទាំងពីរ ស្ថាប័នសន្តិសុខនិងការពារជាតិនៃប្រទេសទាំងពីរ ស្ថាប័នសោតទស្សន៍នៃប្រទេសទាំងពីរ មន្ត្រីក្រសួងប្រៃសណីយ៍និងទូរគមនាគមន៍ និងមន្ទីរប្រៃសណីយ៍និងទូរគមនាគមន៍ខេត្តទាំង ៥ នៅតាមបណ្តោយព្រំដែននៃប្រទេសទាំងពីរ។