កិច្ចប្រជុំពិភាក្សា ស្ដីពីការប្រើប្រាស់អត្ដសញ្ញាណបណ្ណ ឬឯកសារគតិយុត្ដសម្គាល់អត្ដសញ្ញាណសម្រាប់ជួលជាវសេវាទូរស័ព្ទចល័ត

និយ័តករទូរគមនាគមន៍កម្ពុជា ថ្ងៃទី១៨ខែសីហាឆ្នាំ២០១៧៖
កោះអញ្ជើញប្រតិបត្តករទូរស័ព្ទចល័តទាំង ៧ រួមមានក្រុមហ៊ុនស្មាត ក្រុមហ៊ុនសែលកាត ក្រុមហ៊ុនមិត្តហ្វូន ក្រុមហ៊ុន CADCOMMS ក្រុមហ៊ុន Seatel ក្រុមហ៊ុន EMAXX ក្រុមហ៊ុន CooTel មកប្រជុំរំលឹកឡើងវិញអំពីការអនុវត្តលក់ឬចែកចាយស៊ីមកាតទូរស័ព្ទចល័តដោយមិនយកអត្តសញ្ញាណបណ្ណ ឬឯកសារសម្គាល់អត្តសញ្ញាណ ពីអ្នកទិញឬជួលជាវស៊ីមកាតទូរស័ព្ទចល័ត ស្របតាមសារាចរណែនាំអន្តរក្រសួងប្រៃសណីយ៍និងទូរគមនាគមន៍ និង ក្រសួងមហាផ្ទៃ និងច្បាប់ស្តីពីទូរគមនាគមន៍ ដែលជាបុព្វហេតុនាំឲ្យប៉ះពាល់សណ្តាប់ធ្នាប់សាធារណៈ និង សន្តិសុខជាតិ និងមិនអាចរកជនប្រព្រឹត្តឃើញ។
កិច្ចប្រជុំនេះ ដឹកនាំដោយនិយ័តករទូរគមនាគមន៍កម្ពុជា អគ្គស្នងការនគរបាលជាតិនៃក្រសួងមហាផ្ទៃ និង អគ្គាធិការដ្ឋាននៃក្រសួងប្រៃសណីយ៍និងទូរគមនាគមន៍ ក្រោមអធិបតីភាព ឯ.ឧ ម៉ូវ ចរិយា ប្រធាន ន.ទ.ក.៕