និយ័តករទូរគមនាគមន៍កម្ពុជា បានអញ្ជើញក្រុមហ៊ុនស្មាតមកពិភាក្សារឿងប្រម៉ូសិន

ភ្នំពេញ ថ្ងៃទី១០ ខែកុម្ភៈ ឆ្នាំ២០១៧៖ និយ័តករទូរគមនាគមន៍កម្ពុជាបានអញ្ជើញក្រុមហ៊ុនស្មាតមកពិភាក្សាស្ដីអំពីប្រូម៉ូសិនថ្មីរបស់ខ្លួនខណៈដែល ១ដុល្លារអាចដូរបាន ១២៥ដុល្លារ។ ក្រុមហ៊ុនបានបកស្រាយដោយផ្អែកលើយុទ្ធសាស្ត្រទីផ្សារបស់ខ្លួនហើយបានទទួលស្គាល់លើចំណុចដែលមានការផ្សព្វផ្សាយថ្មីៗច្រើនអំពីប្រូម៉ូសិនរបស់ក្រុមហ៊ុន។

យ៉ាងណាក្ដីស្មាតបានបញ្ជាក់ថាប្រូម៉ូសិនថ្មីនេះគឺធ្វើឡើងដើម្បីអបអរខួបកំណើត ៨ឆ្នាំរបស់ក្រុមហ៊ុន ហើយប្រូម៉ូសិននឹងបញ្ជប់នៅចុងខែកុម្ភៈនេះ។

ជាមួយគ្នានោះដែរនិយ័តករក៏បានស្នើសុំឱ្យក្រុមហ៊ុនពង្រឹងនូវការគោរពច្បាប់ដែលមានជាធរមានដូចជា ការដាក់ពាក្យស្នើសុំមក ន.ទ.ក មុនការផ្សព្វផ្សាយនូវប្រូម៉ូសិនថ្មី (ដែលកន្លងមកស្មាតមិនទាន់បានអនុវត្តនៅឡើយ) និងការផ្ញើរបាយការណ៍ស្ដីពីតម្លៃដើមមក ន.ទ.ក៕