កិច្ចប្រជុំស្ដីពី ការអនុវត្តច្បាប់ស្តីពីការគ្រប់គ្រងការចុះឈ្មោះស៊ីមកាត សេវាទូរស័ព្ទចល័ត នៅប្រទេស ថៃឡង់ដ៏

ព្រឹកថ្ងៃទី២៦ ខែតុលា ឆ្នាំ២០១៦ ឯកឧត្តម ម៉ូវ ចរិយា ប្រធាននិយ័តទូរគមនាគមន៍កម្ពុជា បានដឹកនាំអ្នកជំនាញរបស់និយ័តករទូរគមនាគមន៍កម្ពុជា តំណាងអគ្គាធិការដ្ឋាននៃក្រសួងប្រៃសណីយ៍និងទូរគមនាគមន៍ និងអ្នកជំនាញរបស់ក្រុមហ៊ុនស្មាត និងក្រុមហ៊ុនវៀតតែល មកធ្វើទស្សនៈកិច្ចការងារនៅការិយាល័យគណកម្មការធិការជាតិសោតទស្សន៍ និងទូរគមនាគមន៍ថៃឡង់ដ នៅទីក្រុងបាងកក ដើម្បីចែកសិក្សាចែករំលែកបទពិសោធន៍លើការធ្វើនិយ័តកម្ម និងការអនុវត្តច្បាប់ស្តីពីការគ្រប់គ្រងការចុះឈ្មោះស៊ីមកាត សេវាទូរស័ព្ទចល័ត។ នៅថៃឡង់ដ៍ គេកំពុងអនុវត្តកិច្ចការនេះយ៉ាងយកចិត្តទុកក្នុងការអនុវត្តច្បាប់ពាក់ព័ន្ធនឹងការគ្រប់គ្រងនេះ និងទទួលបានការគាំទ្រពីរាជរដ្ឋាភិបាល ស្ថាប័នពាក់ព័ន្ធ ប្រតិបត្តិករផ្តល់សេវា អ្នកចែកចាយនិងលក់ស៊ីមកាត និងអ្នកប្រើប្រាស់ផងដែរ។ កម្ពុជាបានផ្តល់ឱសានវាទកាលបរិច្ឆេទចុងក្រោយក្នុងការបញ្ឈប់ការចុះឈ្មោះទិញស៊ីមកាតមិន ផ្តល់ឯកសារសំគាល់អត្តសញ្ញាណ ស្របតាមបទប្បញ្ញត្តិរបស់អន្តរក្រសួងមហាផ្ទៃ និងក្រសួងប្រៃសណីយ៍ និងទូរគមនាគមន៍ និងចាត់វិធានការលើស៊ីមកាតដែលបានចុះឈ្មោះរួចហើយមិនអនុលោមតាមបទប្បញ្ញត្តិ ត្រឹមថ្ងៃទី០១ ខែវិច្ឆិកា ឆ្នាំ២០១៦ ជាកំហិត។